تيمور عمره ما هيتجوز شفيقه ولا عمر عمره ما هيتجوز سلمي
كاتب الموضوع
رسالة
Ąňġĕl الاداره
السن : 29 عدد المواضيع : 230 السٌّمعَة : 16
مزاجى : الأوسمه :
موضوع: تيمور عمره ما هيتجوز شفيقه ولا عمر عمره ما هيتجوز سلمي السبت 17 سبتمبر - 14:50
بسم الله الرحمن الرحيم السلام عليكم ورحمه الله وبركاته ايوه كتير من البنات بتحب انا عايزاكى تقفى مع نفسك بس دلوقتى كده واسألى نفسك سؤال واحد؟؟ هوه ولا ربنا ....؟؟؟؟ ايوه انتى لو بتحبيه ومش مخطوباله ومش متجوزاه يبقى بتفضليه على ربنا يبقى اختارتيه وسيبتى ربنا يبقى أشركتى حد فى حب ربنا ====================== يبقى متجيش تشتكى وتقولى ده تعبنى وذلنى متجيش تعيطى وتقولى ده بيتخانق معايا متجيش تكتئبي وتقولى ربنا غضبان عليا متجيش تقولى جوازنا واقف والمشاكل كتير متجيش تقولى مفيش عرسان بتتقدم ولاحاجه ماشيه صح متجيش تقولى انا خلاص جالى اكتئاب وشايفه الدنيا سوده ========================== ماهوه ركزى كده فى الجمله دى (( ماعنــد الله لا يؤتى الا بطاعته )) والله ماهتشوفى لا خير ولا جواز ولا حاجه الا لما تطيعيه والله لو ربنا ماراضي عنكم ما هتجتمعو ابدا على خير هتقوليلي ماكتير بيحبو بعض وبيتجوزو اه ياحبيبتى بس انتى ايه ضمنك من اللى هيحصل بعد كده لالازم عقاب يا دنيوى وده هين جداااااااااااا ياتقع المصيبه ويبقى العقاب فى الاخره ======================== لو بتحبيه سيبيه ايوه اانا لا مجنونه ولا بقول كلام مستحيل لو بتحبيه فعلا سيبيه ولا انتى عايزه يوم القيامه يجى يجرى عليكى قدام ربنا ويقوله يااااااااااارب هيه اللى فتنتنى يااارب هيه اللى خليتنى اعصاك ياااااااااارب انا مليش دعوه هيه السبب ====================== امال انتى فاكره ايه فاكره هيجرى عليكى ويقول ايه...؟؟
طيب عارفه لما بتخرجى معاه وتقفي معاه مانتى بتبقى قاعده وواقفه تحت سمااء الله تحت عيونه عزوجل هتسيبي ربنا كده اهون الناظرين اليكى لامتى هتفضلي تقللي من تمنك وكرامتك لأمتى هتفضلي تستحملى نظرات الناس وكلامهم لأمتى هتفضلي تذلي فى نفسك قدام نفسك لأمتى لأمتــــــــــــــى مستنيه تموتى ومتعرفيش تعدى من ع الصراط بسببه ====================== مستنيه تموتى واصحابك يفضلو يدعو ويقولو ياريتها تابت قبل ماتموت مستنيه تموتى وتقعدى فى القبر لوحدك يضم عليكى ضمه موحشه ومتعرفيش تجاوبى الملكين مستنيه اييييييييييييييه؟؟؟ ======================= أنا عارفه ان كلامى متشدد اووووى ووحش بس للأسف دى الحقيقه الافلام اللى احنا بنتفرج عليها طول النهار وطول الليل بتوريلنا خداعات مش حقايق نهائي يعنى مش بعد ما اقعد الف مع عمر هيجى ونتجوز فى الاخر فى فرح رومانسي وزى الفل ======================= ولا بعد ما هفضل اخرج مع تيمور واقعد معاه وننام نصحى سوا ويجى فى الاخر ينقذنى من الموت ونتجوز ونبقى حلوين ========================== انا مش بقولك اترهبنى ولا بقولك متعيشيش حياتك عيشيها صح اتمنى واحلمى وحبي بخجل حوشي احلامك وامنياتك للى يستحقهم مش كل شويه يعدى واحد ياخدله حبه منهم ويمشي ولا تتجوزو وفى الاخر متطيقوش بعض متقوليليش بيحبنى وظروفه وحشه لو بيحبك هيقولك خليكى في بيت ابوكى معززه مكرمه وانا لما تتظبط احوالى هجيلك لو بيحبك وبيخاف عليكى مش هيخرج معاكى ولا يقعد يكلمك فى انصاص الليالى من ورا اهلك وهوه عارف انك بتخونى ثقتهم فيكى بالحريه اللى ادوهالك وانتى متستحقيهاش ======================== متقوليليش ده عارف ربنا وبيراعى كل حاجه لو بيراعى هيعرف ان بس مجرد نظرته ليكى توديكى وتوديه النار الحــــــــل إيه ابعدى عنه لو بتحبيه فعلا وبتحبي ربنا من قبله ادعى ربنا يصبرك الدعاء ده كنز من كنوز البشر استغفري ربنا ع كل اللى فات وكل اللى عملتيه حاولى مره واتنين وتلاته وعشره متيأسيش ابدا جددى نيتك واتوكلى على الله بلاش تقولى مش هقدر ومستحيل مفيش مستحيل وربنا موجود صدقينى لو هوه راجل بجد هيساعدك ويحترمك وقيمتك هتزيد فى نظره اووووووووووووووى وكمان هتستعيدى ثقتك فى نفسك قيمى الليل وادعى ربنا انه يساعدك ويبعد عنك الشر ويقرب ليكى الخير ـــــــــــــــــــــــــــــــــ ربنا وحده اللى يعلم انى كتبت الموضوع ده من منطلق خوفى عليكم وعلى نفسي وانى اقوى نفسي بيكم واقويكم بالكلام ده ــــــــــــــــــــــــــــــــ اقرو الكلام بقلوبكم وبعيونكم واستحضرو موقفكم قدام المولى عزوجل ربنا يارب يرحمنا برحمته ويهون علينا كل عسير فى انتظار كل تعليقاتكم ============= الموضوع ده انا قرأته زي زيكم واللي خلاني انقله اني مقتنعه بكل حرف اتكتب فيه وان شاء الله نعمل كلنا بيه بس ياريت يكون النقاش هادف انا نزلته في منتدي قبل كده وعالجروببتاعي عالفيس بوك بس كان النقاش وصل لمرحلة الخناق ما بين بعض الاعضاء هههههههههه اكيد هنا مش هيكون كده لا تفكيرنا ااعلي من كده دمتم بخير جميعا اختــكــم ملك ..
تيمور عمره ما هيتجوز شفيقه ولا عمر عمره ما هيتجوز سلمي
السن
