فريق تطوير منتدى همسه ابداع

بسم الله الرحمن الرحيم

السلام عليكم ورحمة الله وبركاته



اهلا بكل اعضاء منتديات همسة ابداع

احييكم علي مجهودكم الرائع والمميز

في المنتدي وحرصكم علي تقديم كل جديد


فريق تطوير منتدى همسه ابداع

طبعا المنتدي مشاء الله بقي احلي من الاول بكتير

وفي كل الخواص اللي تلزم الاعضاء

وتلزم راحتهم كمان

باقي اننا نطور المنتدي ونخليه من اكبر المنتديات

من حيث عدد الاعضاء والزوار وغيرها

الموضوع سهل جدا لو كل واحد مننا

ساهم ولو بجزء من الحاجات اللي هنكتبها ف الموضوع

في حاجات الاداره هتعملها

وفي حاجات مطلوبة من الاعضاء والمشرفين





الفريق هينقسم لمجموعتين
الاداريين//محمد صابر//ملك

2-اعضاء ومشرفين ومراقبين منتدى همسه ابداع

ومهمة كل فريق ايه:

المشاركة دي هيكون فيها مهمة فريق الادارة

والمشاركه اللي بعديها فيها مهمة فريق الاعضاء والمشرفين

---------------------------





اولا فريق الادارة:

1-عشان نكسب اكبر عدد من الزوار لازم المنتدي اولا يكون خفيف

ودا بتركيب استايل خفيف واعتقد الاستايل اللي شغال كويس

ولو في احلي ان شاء الله هنركبه



/


2-كمان عشان سهولة التصفح بقترح نمنع الصور الرمزيه والتواقيع عن الزوار

بحيث لو زائر بيبحث عن حاجه التواقيع متقلش الصفحه معاه ويكون المنتدي خفيف

وبكده نكسب ثقة الزوار وجوجل



..

دي الاقتراحات اللي عندي

اللي يقدر ينفذ حاجه منها ياريت ميبخلش علينا بيها

وانا هحاول اطبق اللي اقدر عليه منهم ف المنتدي

ولو حد عنده حاجه تانيه ياريت يقول

دا بالنسبة للاداريين

الفريق الثاني:فريق الاعضاء والمشرفين:

1-ممكن الاعضاء وهي بتنقل موضوع من منتدي تاني
لمنتدانا يخلو بالهم من الروابط المخفيه اللي موجوده عالصور والكلام
يا ريت نشيل الروابط دى

2-لما تنقل موضوع حاول انك تجدد فيه
تغير عنوانه تعيد صياغته
لو شفت فكره ف منتدي تاني متنقلهاش بالنص
حاول انك تكون متميز
واكتبها بصيغتك انت

3-المشرفين والمراقبين :ياخدوا بالهم من الاقسام يحاولو يطوروا فيها
وينقلو المواضيع اللي ملهاش لازمه لقسم المواضيع المكرره والمواضيع اللي صورها انتهت او مقفوله
او لو روابط تحميل انتهت ومش شغاله
انقل الموضوع للارشيف
كمان المواضيع المكرره تتنقل للارشيف
وبالنسبه لتثبيت المواضيع ف الاقسام
متثبتليش عشر مواضيع
هما موضوعين بالكتير اللي تثبتهم ف القسم
بحيث واحد يكون فيه قوانين القسم ودا ثابت دايما
اما التاني ممكن تغيره كل فتره
تثبت موضوع
..

4-فريق الحصريات ودا كل الاعضاء ممكن تشترك فيه
حاول تنزل كل جديد ف المنتدي
سواء اخبار وجرائم
اخبار فنيه
صور فنانين
افلام جديده
البومات جديده
ودا كله طبعا بيساعد علي جلب الزوار
لان اي حد بيبحث في جوجل بيبحث عن الجديد


5-متخليش عنوان موضوعك غامض
يعني ايه دي:
يعني انت مثلا هتنزل موضوع عن صور هيفاء
متكتبش عنوان موضوعك ادخل ومش هتندم
تب لو حد بيبحث في جوجل عن صور هيفا هيكتب ادخل ومش هتندم
ولا هيكتب صور هيفا
كل دا عشان تكسب لموضوعك اكبر عدد من الزوار
وتسهل علي الزائر وصوله لموضوعك.

5-في مواضيع كتير بتجزب الزوار للمنتدي
زي صور تصاميم 2011
خلفيات
وغيرها من المواضيع

6-حاجه تانيه الزخارف والمد في عناوين المواضيع
كمان ليها دور كبير
بحيث لو موضوعك مكتوب من غير زخرفة او مد ف العنوان اكيد الزائر هي بسهوله
غير لما يكون مكتوب بزخرفه
يعني لو زائر كتب في جوجل
اغاني شعبيه
هيوصل للتوبيك بتاعك
انما عمره ما هيكتب في جوجل
اغــــآنــ/ـي شــعبيه
يبقي بلاش الزخرف هوالمد في عناوين المواضيع
...........
بجد لو كل واحد فينا نفذ اي حاجه من الحاجات دي
هتفرق كتير
وفي اقل وقت المنتدي اكير هيبقي احلي
وياخد ترتيب عالميا كمان
والناس كلها تشوف مواضيعكم
ومجهودكم
..............
اللي عنده اي افكار جديده
ياريت يقلها
واللي ينفذ اي حاجه من دي
يجي ويقول في التوبيك
.........
وتقدير بسيط للاعضاء من الاداره
ان لكل عضو يقدم حاجه للمنتدي هنا في توبكي التطوير يجي ويعمل بيها مشاركه
واكيد هياخد عليها تقييم
مش عشره ممكن تاخد تلاتين
من التلاته الاداريين وغير باقي الاعضاء هتقيمك
يعني ممكن تخرج بـ 70 نقطه من مشاركه وحده عملتها هنا وحاجه بسيطه قدمتها للمنتدي
...
وان شاء الله مع بعض نطور همسه ابداع
...
في رعاية الله
~~
اختكم/ملك